Tapimitra News-ઉધના પોલીસ દ્વારા વિવિધ ગુનાના કામમાં જપ્ત કરાયેલા વાહનો પોલીસ સ્ટેશનની બહાર મુકવામાં આવ્યા છે. છેલ્લાં કેટલાંક મહિનાથી હજારોની સંખ્યામાં વાહનો ધુળ ખાતા પડ્યા છે. મંગળવારે સવારના ૧૧ વાગ્યાના અરસામાં ઉધના પોલીસ મથકની બહાર જપ્ત કરવામાં આવેલા વાહનો પૈકી કોઇ ગાડીમાં અચાનક જ આગ ફાટી નિકળતા પોલીસ કર્મચારી ભાગતા થઇ ગયા હતા. આગ વધુ પ્રસરે તે પહેલાં ફાયર બ્રિગેડને જાણ કરાતા લાશ્કરો ઘટના સ્થળે દોડી આવ્યા હતા. લાશ્કરે પાણીનો મારો ચલાવી આગ પર કાબુ મેળવ્યો હતો. આગના કારણે ટેમ્પો,સ્કોડા,ઇન્ડીકા અને સેન્ટ્રો ગાડી બળીને ખાખ થઇ ગઇ હતી. અને બાકીની ગાડીને નુકશાન થયુ હોવાનું જાણવા મળ્યુ છે.