Tapi mitra News-સોનગઢ તાલુકાના માંડળ તેમજ ચીખલી ભેંસરોટ ગામે રવિવાર નારોજ જાહેરનામાનો ભંગ કરી ઈસ્ટર ડે નિમિતે ચર્ચ તેમજ પાસ્ટરના ઘરે પાર્થના કરવા માટે એકઠા થયેલા પાસ્ટર સહિત કુલ 12 જેટલા ઈસમોને સોનગઢ પોલીસે ઝડપી પાડી તેઓ વિરૂધ્ધ ગુનો નોંધી કાયદેસરની કાર્યવાહી હાથ ધરી છે. મળતી માહિતી મુજબ કોરોના વાઇરસને ફેલાતો અટકાવવા માટે રાજ્યમાં 14 એપ્રિલ સુધી લોકડાઉન જાહેર કરાયું છે તેમ છતાં કેટલાક લોકો રસ્તા પર આંટાફેરા મારવા નીકળતા પડતા હોય છે તો કેટલાક લોકો પ્રાર્થના સભાઓ પણ યોજી જાહેરનામાનો સરેઆમ ભંગ કરી રહ્યા છે. તા.12-એપ્રિલ નારોજ સોનગઢ તાલુકાના ચીખલી ભેંસરોટ ગામના પટેલ ફળિયામાં મરિયમબેન લાલજીભાઈ ગામીત નાઓની માલિકીની જમીન આવેલ ચર્ચમાં આજ રોજ ઈસ્ટર ડે નિમિતે 6 લોકો પ્રાર્થના ના ધાર્મિક કાર્યક્રમમાં ભેગા થયા હતા.તેમજ માંડળ ગામે નિશાળ ફળીયામાં પાસ્ટરના ઘરે પણ ઈસ્ટર ડે નિમિતે 6 લોકો પ્રાર્થના ના ધાર્મિક કાર્યક્રમમાં ભેગા થયા હતા. પોલીસે બંને સ્થળો પર દરોડા પાડી પાસ્ટર સહિત કુલ 12 લોકોને ઝડપી પાડ્યા છે. સોનગઢ પોલીસના જણાવ્યા અનુસાર હાલમાં ચાલતો કોરોના રોગનો ચેપ ફેલાય તેવું બેદરકારી ભયું કૃત્ય કરી બિન જરૂરી રીતે ધાર્મિક મેડાવળો કરી કોરોના વાયરસ COVID-19  ને WHO દ્વારા વૈશ્વિક મહામારી જાહેર કરેલ હોય તે અનુસંધાને જીલ્લા મેજિસ્ટ્રેટ દ્વારા જાહેર કરેલ જાહેરનામાનો ભંગ કર્યો છે. ફરિયાદના આધારે સોનગઢ પોલીસ મથકે 12 જણા સામે ઈપીકો કલમ 188,269 તથા ધી એપેડેમીક ડીસીઝ એક્ટ 1897 ની કલમ 13(i) તથા જીપી એક્ટ 135 તથા ડીઝાસ્ટર મેનેજમેન્ટ એક્ટ 51 મુજબ તમામ લોકો વિરુદ્ધ ગુનો દાખલ કરવામાં આવ્યો છે. સોનગઢ પોલીસ ચોપડે કોની-કોની સામે ગુનો નોંધાયો,એક નજર કરીએ ... ચીખલી ભેંસરોટ ગામે પટેલ ફળીયુ......

1. રવિ થાર્ડાની બ્રાઈટતાંદોની રહે,કેએપીએસ ટાઉનશીપ-વ્યારા
2. વસનજી શાંતાભાઈ ગામીત રહે,ચીખલી ભેંસરોટ,પટેલ ફળિયુ-સોનગઢ
3. નિલેશભાઇ જમુભાઈ ગામીત રહે,ચીખલી ભેંસરોટ દાદરી ફળિયું-સોનગઢ
4. સુમનભાઈ ગુલાબભાઈ ગામીત રહે,ચીખલી ભેંસરોટ,પટેલ ફળિયુ-સોનગઢ
5. નવીનભાઈ ભુલજીભાઈ ગામીત રહે,ચીખલી ભેંસરોટ દાદરી ફળિયું-સોનગઢ
6. દિલીપભાઈ છનાભાઈ ગામીત રહે,ચીખલી ભેંસરોટ ડુંગરી ફળિયું-સોનગઢ

1. નટુભાઈ સોમાભાઈ ગામીત રહે,નિશાળ ફળિયું,માંડળ-સોનગઢ
2. બહાદૂરભાઈ મગનભાઇ ગામીત રહે,નિશાળ ફળિયું,માંડળ-સોનગઢ
3. સુભાષભાઈ બાબુભાઈ ગામીત રહે,નિશાળ ફળિયું,માંડળ-સોનગઢ
4. જસવંતભાઈ ઠગાભાઈ ગામીત રહે,નિશાળ ફળિયું,માંડળ-સોનગઢ
5. દિલેશભાઈ દેવલીયાભાઈ ગામીત રહે,નિશાળ ફળિયું,માંડળ-સોનગઢ
6. અશ્વિનભાઈ બાબુભાઈ ગામીત રહે,નિશાળ ફળિયું,માંડળ-સોનગઢ