Tapi Mitra News-વૈશ્વિક મહામારી "કોરોના" સામે બાથ ભીડી રહેલા પ્રજાજનો, અને પ્રશાસન વચ્ચે યોગ્ય સંપર્ક સેતુ જળવાઈ રહે, તથા પ્રજાજનો સહિત સંબંધિત તંત્ર વચ્ચે આધારભૂત માહિતીનું આદાનપ્રદાન સુપેરે કરી શકાય તે માટે, તાપી જિલ્લા વહીવટી તંત્રના વડા એવા કલેકટર શ્રી આર.જે.હાલાણીના માર્ગદર્શન હેઠળ, જિલ્લા કક્ષાએ રાઉન્ડ ધ ક્લોક કંટ્રોલ રૂમ શરૂ કરવામાં આવ્યો છે.આગામી તા.૧૪/૪/૨૦૨૦ સુધી દેશભરમાં જાહેર કરાયેલા લોક ડાઉન દરમિયાન જિલ્લાની જાહેર જનતાને કોઈ અગવડ કે મુશ્કેલી ન અનુભવવી પડે, તથા તેમને જરૂરી માહિતી અને માર્ગદર્શન મળી રહે તે માટે, વ્યારા સ્થિત "જિલ્લા આપત્તિ વ્યવસ્થાપન કેન્દ્ર" ખાતે શરૂ કરાયેલા આ કંટ્રોલ રૂમનો ટોલ ફ્રી નમ્બર ૦૨૬૨૬-૧૦૭૭ છે. જેના પર માહિતી કે માર્ગદર્શન માટે કોલ કરી શકાય છે. આ માટે તાપી જિલ્લામાંથી કોલ કરનાર પ્રજાજનોએ ૧૦૭૭ તથા જિલ્લા બહારથી કોલ કરનાર પ્રજાજનોએ ૦૨૬૨૬ એસ.ટી.ડી.કોડ સાથે ૧૦૭૭ નમ્બર ડાયલ કરવો. જિલ્લા કલેકટર શ્રી હાલાણી દ્વારા આ કંટ્રોલ રૂમ ખાતે વર્ગ-૧ થી લઈને વર્ગ-૩ સુધીના અધિકૃત અધિકારીઓને ફરજ નિયુક્ત પણ કરવામાં આવ્યા છે. જેમના દ્વારા પ્રજાજનોને ફોન કોલ્સ નો યોગ્ય પ્રતિસાદ આપવામાં આવી રહ્યો છે. આ સેવાનો તાપી જિલ્લાના પ્રજાજનોને લાભ લેવા માટે, જિલ્લા વહિવટી તંત્ર દ્વારા જણાવાયું છે.
લાઈક અને ફોલો કરો અમારું ફેસબુક પેજ FACEBOOK - TAPIMITRA
સબસ્ક્રાઈબ કરો યૂ ટ્યૂબ ચેનલ YOUTUBE - TAPIMITRA
મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં. 78200 92500
View News On Application
