Tapimitra News-સોનગઢ:સોનગઢ તાલુકાના ચાંપાવાડી ગામના માર્ગે પુરઝડપે દોડતી એક ટ્રકે ત્રણ મોટર સાયકલને અડફેટમાં લીધી હતી જેના કારણે એક મોટર સાયકલ ચાલકનું ઘટના સ્થળ પરજ મોત નીપજ્યું હતું જયારે અન્ય ઈજાગ્રસ્ત વ્યક્તિઓને નજદીકની હોસ્પીટલમાં સારવાર અર્થે ખસેડવામાં આવ્યો હતો.સોનગઢ પોલીસને ઘટના ની જાણ થતા સ્થળ પર પહોચી તપાસ હાથ ધરી હતી. મળતી માહિતી અનુસાર સોનગઢ તાલુકાના ચાંપાવાડી રીડ-રાણીઆંબા ગામે રહેતા અને મહેક એન્જીનરીંગ વર્ક્સ નામે મેકેનિકલનો વ્યવસાય કરતા નિલેશભાઈ વિનોદચંદ્ર પંચાલ(ઉ.વ.45) પત્ની તથા બે બાળકો સાથે પરિવાર સાથે રહેતા હતા.તા.23 માર્ચ નારોજ તેઓ સોનગઢ ખાતે આવી પોતાની હીરો હોન્ડા સ્પેન્ડર બાઇક નંબર જીજે/19/આર/8089 પર સવાર થઇ રાણીઆંબા પરત થતા હતા,તે દરમિયાન બપોરે 1-00 વાગ્યાના સુમારે સીમેન્ટ ભરીને પસાર થતી એક ટ્રક નંબર જીટીટી/7227 ના ચાલકે પોતાના કબજાની ટ્રક ગફલતભરી રીતે ટ્રક હંકારી લાવી રોંગ સાઈટ જઈ બાઇકને અડફટે લીધી હતી નીચે પટકાયેલા નિલેશ પંચાલને 50 ફુટ સુધી ટ્રકે ઘસડ્યો હતો. ગંભીર ઇજા થતા નિલેશ પંચાલનું ઘટના સ્થળ પરજ મોત થયું હતું.તેમજ પુરઝડપે દોડતી ટ્રકે અન્ય બે મોટર સાયકલ નંબર જીજે/26/ડી/2119 અને જીજે/17/એમ/0386 ને પણ અડફેટે લીધી હતી જેમાં છગનભાઈ ગામીત,જોસેફભાઈ ગામીત બંને રહે,શ્રાવણીયા ગામ-સોનગઢ અને અંકુરભાઈ ગામીત રહે,ચિમકુવા-સોનગઢ ત્રણેય જણાને શરીરે ઈજા પહોચાડી ટ્રક ચાલક નાશી છુટ્યો હતો,બનાવ અંગે પરબતસિંહ કોશોરસિંહ ચૌહાણે સોનગઢ પોલીસ મથકે ટ્રક ચાલક સામે ગુનાની ફરિયાદ આપી હતી,ફરિયાદના આધારે ટ્રક ચાલક સામે ગુનો દાખલ કરવામાં આવ્યો છે.સોનગઢ પોલીસ દ્વારા આગળની વધુ તપાસ હાથ ધરવામાં આવી છે.