Tapimitra News-વ્યારા:"કોરોના" ના કહેર વચ્ચે તાપી જિલ્લામાં જુદા જુદા દેશોની મુલાકાતે જઇ આવેલા, ચાર જેટલા નાગરિકોના લેવાયેલા સેમ્પલ નેગેટિવ આવ્યા છે. તાપી જિલ્લાના મુખ્ય જિલ્લા આરોગ્ય અધિકારીશ્રી ડો. હર્ષદ પટેલ તરફથી મળેલી વિગતો અનુસાર તાપી જિલ્લાના વ્યારા સહિત ઉકાઈ અને ડોલવણના ચાર જેટલા વ્યક્તિઓ ગત દિવસો દરમિયાન સિંગાપોર, ઇથોપિયા, કતાર અને જર્મની જેવા દેશોની મુલાકાતે ગયા હતા. અગામચેતીના ભાગરૂપે આ નાગરિકોના સેમ્પલ મેળવી, નિરીક્ષણ અર્થે મોકલાયા હતા. જે તમામ સેમ્પલો નેગેટિવ આવવા પામ્યા છે.