તાપીમિત્ર ન્યુઝ,ડોલવણ:ડોલવણ પોલીસ સ્ટેશનના ચોપડે દારૂના ગુનામાં સંડોવાયેલો અને ઘણા સમયથી નાસતો ફરતો સાવન માને ને તાપી જીલ્લા એસ.ઓ.જી શાખાના જવાનોએ ઝડપી પાડી કાયદેસરની કાર્યવાહી હાથ ધરી છે. મળતી માહિતી અનુસાર જીલ્લા પોલીસવડાએ નાસતા ફરતા આરોપીઓને પકડવા આપેલ સુચનાને આધારે તાપી જીલ્લા એસ.ઓ.જીનો સ્ટાફ ડોલવણ પોલીસ સ્ટેશન વિસ્તારમાં પેટ્રોલિંગમાં હતો તે દરમિયાન મળેલ બાતમીના આધારે ડોલવણ પોલીસ સ્ટેશનના ચોપડે દારૂના ગુનામાં સંડોવાયેલો આરોપી સાવનભાઈ સંજયભાઈ માને (ઉ.વ.25) રહે,પુલ ફળિયું આનંદ વિહાર પાસે,વાલોડ જી.તાપી નાઓને બેડચીત ગામના ત્રણ રસ્તા પાસેથી ઝડપી પાડી પૂછપરછ કરતા જણાવેલ કે, દારૂના ગુનામાં પોતે સંડોવાયેલો હોય અને પોલીસની બીકે છેલ્લા દોઢ વર્ષથી નાસતો ફરતો હતો. ગુનાની કબુલાતના આધારે સીઆરપીસીની કલમ 41(1)આઈ મુજબ સાવન માનેની અટક કરી કરવામાં આવી હતી.