ઉચ્છલના સાકરદા બ્રીજ પાસેથી બાઈક ઉપર દારૂની હેરાફેરી કરતા બે ઈસમોને ઝડપી પાડી કુલ રૂપિયા ૨૯ હજારનો મુદ્દામાલ પોલીસે કબજે કર્યો હતો.

ઉચ્છલ પોલીસ સ્ટાફના માણસોને મળેલ બાતમીના આધારે શુક્રવારે સાકરદા ગામના બ્રીજ પાસેથી એક બાઈક નંબર જીજે/૨૬/પી/૦૩૮૭ ને ઝડપી પાડી તપાસ કરતા બાઈક ચાલક રમેશભાઈ નાનાભાઈ વસાવા રહે, નિશાળ ફળિયું, લીંબાસોટી ગામ-ઉચ્છલ અને બાઈક પાછળ બેસેલ વિજયભાઈ અરવિંદભાઈ ગામીત રહે, માર્કેટ ફળિયું-ઉચ્છલ નાઓના કબ્જામાંથી આવેલ એક સ્કૂલમાંથી દેશીદારૂ સુગંધી સંતરાની કુલ બાટલીઓ નંગ ૮૦ જેની કિ.રૂ.૪ હજારનો પ્રોહી મુદ્દામાલ મળી આવ્યો હતો. પોલીસે આ બનાવમાં ૪ હજારનો દારૂ અને ૨૫ હજારની બાઈક મળી કુલ રૂપિયા ૨૯ હજારનો મુદ્દામાલ કબજે કરી બંને ઈસમો વિરુદ્ધ ગુનો દાખલ કર્યો હતો.