તાપીમિત્ર ન્યુઝ,સોનગઢ: જંગલ વિસ્તારમાં આવેલ કોતરડાના કીનારે એક ૩૫ વર્ષીય મહિલાની કરપીણ હત્યા કરી દેવામાં આવી છે. બનાવ અંગે પોલીસને જાણ થતાં સ્થળ પર પહોંચી તપાસ શરૂ કરી છે. મળતી માહિતી અનુસાર સોનગઢ તાલુકાના મલંગદેવ ગામની સીમમાં આવેલ ચીકારા મોવડા જંગલના કંપાર્ટમેન્ટ નંબર ૨૫૬ માં આવેલ કોતરડાના કિનારે તા.૨૪મી જાન્યુઆરી નારોજ મોડીરાત્રે એક ૩૫ વર્ષીય મહિલાની કરપીણ હત્યા કરાયેલી હાલતમાં મૃતદેહ મળી આવ્યો હતો.ઘટનાની જાણ થતાં સ્થળ પર પહોંચેલી પોલીસે તપાસ શરૂ કરી હતી.તપાસ દરમિયાન મલંગદેવ ગામના મૌવલી ફળિયામાં રહેતા લાલજીભાઈ જાતરિયાભાઈ ગામીતની દીકરી મારથાબેન લાલજીભાઈ ગામીત (ઉ.વ.૩૫) નાઓ જંગલમાં ઢોર ચરાવવા માટે ગયેલ હોય તે વખતે કોઈ અજાણ્યા ઇસમે તેણીને કોઈ હત્યાર વડે કપાળના ભાગે તથા ડાબા કાનના ઉપર ના ભાગે તથા માથામાં તથા ગળામાં ઘા માર્યા હતા તેમજ ગાલના ભાગે પથ્થર વડે મારમારી મોતને ઘાટ ઉતારી હતી.બનાવ અંગે ફરિયાદના આધારે સોનગઢ પોલીસ દ્વારા હત્યાનો ગુનો દાખલ કરી ઊંડાણ પૂર્વક તપાસ હાથ ધરવામાં આવી છે.