તાપીમિત્ર ન્યુઝ,આણંદ:સમાજ મા જયારે કેટલાક વિક્રુત માનસિકતા ધરાવતા લોકો ના કારણે  મહિલાઓ પર હિંસા કે બીજી કોઈ પણ અસામાજિક પ્રવ્રુતિઓ થઈ રહી છે ત્યારે આજે સમાજ ની કેટલીક સામાજિક સંસ્થાઓ દ્વારા મહિલાઓએ સંકટ સમયે  પોતાનો સ્વબચાવ કેવી રીતે કરવો તે અંગેની તાલીમ પણ આપવામાં આવી રહી છે. આણંદ ખાતે છેલ્લા કેટલાક સમય થી દીકરીઓને પોતાના સ્વબચાવ માટે “સેલ્ફ ડીફેન્સ” નો કાર્યક્રમ રાખવામાં આવ્યો હતો. જેને આજરોજ તા-૩૦/૧૨/૨૦૧૯ ના રોજ તાલીમ ના અંતિમ દિવસે આણંદ ખાતે ના એબીવીપી ના અધ્યક્ષ સ્થાને લગભગ ૮૦૦ જેટલી દીકરીઓ વચ્ચે મેગા ડેમોસ્ટ્રેશન યોજવામાં આવેલ. જેમા આણંદ ખાતે ગ્રેનસ ના પ્રોજેક્ટ મેનેજર શ્રીમતી અલ્પાબેન પટેલ,પ્રો.ઓફિસર રાખીબેન શાહ ઉપસ્થિત રહી આ કાર્યક્રમ મા ઉપસ્થિત તમામ બહેનો,દિકરીઓ અને આગેવાનો તેમજ શ્રોતાગણો ને ગ્રેનસ એપ્લિકેશન અંગેની સંપૂર્ણ માહિતી પુરી પાડી અને એપ્લિકેશન ડાઉનલોડ કરવા અંગેની જાણકારી આપી આપવામાં આવી હતી. સમાજને ગ્રેનસ એપ્લિકેશન ના માધ્યમ થી એક જુથ સાંકળરૂપ બની મહિલા સુરક્ષા મજબુત બનાવવા અનુરોધ કર્યો હતો. તેમજ આ સુંદર કાર્યક્રમ મા આણંદ ગ્રેનસ ટીમ સહિત એબીવીપીના નગર અધ્યક્ષ વિજયભાઈ પરમાર,શ્યામલભાઈ,આશાબેન તેમજ કસ્તુરબા કન્યા વિધાલયના પ્રિન્સિપાલ શ્રીમતી નિરાલીબેન,પાર્થભાઈ પટેલ ઉપસ્થિત રહી આ કાર્યક્રમ ને સફળ બનાવ્યો હતો. 

High light-સમાજને ગ્રેનસ એપ્લિકેશન ના માધ્યમ થી એક જુથ સાંકળરૂપ બની મહિલા સુરક્ષા મજબુત બનાવવા અનુરોધ કરાયો..