હનીહ માંજુ દ્વારા તાપીમિત્ર ન્યુઝ,ભરૂચ : અંકલેશ્વર તાલુકાના કોસમડી ગામે ગ્રામ પંચાયત નજીક જુમ્મા મસ્જિદ ની પાસે ડીજીવીસીએલ કંપનીની ડીપી લાગેલી છે જે ડીપીને થોડા સમય પહેલા ત્યાં મૂકવામાં આવી હતી જે છેલ્લા કેટલાય સમયથી ખુલ્લી હાલતમાં જોવા મળતી હતી. જેના ગોળ ફરતે કોઈપણ જાતની પ્રોટેક્શન થાય તેવું કંઈ પણ હતું નહીં જેના કારણે ગઈકાલે સાંજે એક બકરીનું બચ્ચું ડીપીની દીવાલ નજીકથી પસાર થતા અકસ્માતે સીધું ડીપીના ઉપર જ પડ્યું હતું જેના કારણે મોટો ધડાકો થતાં લોકો માં ગભરાટ ફેલાયો હતો તેમજ વીજળી ડૂલ થઈ હતી અને વીજળી નો કરંટ લાગતા સ્થળ ઉપર જ આ અબોલા પશુએ જીવ ગુમાવ્યો હતો જેના કારણે સ્થાનિક લોકોમાં ભારે રોષની લાગણી જોવા મળી હતી તેમજ ડીજીવીસીએલ કંપનીની બેદરકારી ભરી કામગીરી ઉપર અનેક સવાલો ઉઠવા પામ્યા હતાં. તેમજ આ ઘટના બન્યા પછી હજુ પણ ડીજીવીસીએલ કંપનીના કોઈપણ કર્મચારીએ જગ્યા ઉપર આવવાની કે તપાસ કરવાની તસ્દી સુધ્ધા લીધી નથી. તેમ લોકોએ જણાવ્યું હતું લોકોની માંગ છે કે જલ્દીથી આ ડીપીને ગોળ ફરતે પ્રોટેક્શન કરી આપવામાં આવે અને આવા ગંભીર અકસ્માતો થતા રોકવાના પ્રયાસો કરવામાં આવે તેવું જણાવ્યું હતું.