તાપીમિત્ર ન્યુઝ,વ્યારા:જિલ્લા તિજોરી કચેરી તાપી  દ્વારા પેન્શન મેળવતા તમામ પેન્શનરોને આથી જણાવવામાં આવે છે કે જેમની વાર્ષિક આવક ચાલુ નાણાકીય વર્ષ ૨૦૧૯-૨૦માં આવકવેરાને પાત્ર હોય તેવા તમામ પેન્શનરોએ એમની આવકમાંથી મજરે લેવા પાત્ર રકમ અંગેની વિગતો રોકાણ કરી તેના આધાર પુરાવાઓ તેમજ પાનકાર્ડની ઝેરોક્ષ તા.૧૫/૦૧/૨૦૨૦ સુધીમાં જિલ્લા તિજોરી કચેરી તાપી પહોચતી કરવાની રહેશે. જો રોકાણની વિગતો કે આધાર પુરાવા નિયત સમય મર્યાદામાં રજૂ નહિ કરવામાં આવે તો આવકવેરાના નિયમો અનુસાર ટી.ડી.એસ. ની કપાત કરી લેવામાં આવશે. તેમજ પાન કાર્ડની નકલ રજૂ નહીં થવાને લીધે આવકવેરા કપાતની રકમ યોગ્ય સદરે જમા થઈ શકશે નહીં જેની સર્વે પેન્શનરો એ ખાસ નોંધ લેવા જિલ્લા તિજોરી અધિકારીશ્રી તાપીની એક યાદીમાં જણાવાયુ  છે.