તાપીમિત્ર ન્યુઝ,સોનગઢ:સોનગઢ-વ્યારા નેશનલ હાઇવે માર્ગ પર મુસાફર ભરેલ એક ખાનગી લકઝરી બસને અકસ્માત નડ્યો છે.ઘટનાની જાણ થતાં સોનગઢ પોલીસ સહિત ઇમરજન્સી સેવા ૧૦૮ એમ્બ્યુલન્સ સ્થળ પર દોડી આવી હતી.સૂત્રો પાસેથી મળતી માહિતી અનુસાર સોનગઢ-વ્યારા નેશનલ હાઈવે નંબર ૫૩ પર આવતું ડોસવાડા ગામની સિમ માં ખાનગી બસ નંબર જીજે/૧૯/યુ/૩૩૩૪ પલટી મારી હતી.ઘટનાની જાણ થતાં સ્થાનિક પોલીસ અને ૧૦૮ બનાવ સ્થળ પર દોડી આવ્યા હતા.બસમાં સવાર મુસાફરો પૈકી ૨૦ થી વધુ ઈજાગ્રસ્ત લોકોને ઇમરજન્સી સેવા ૧૦૮ ની મદદથી નજદીકની હોસ્પિટલમાં સારવાર અર્થે ખસેડવામાં આવ્યો હતા.જ્યારે એક મહિલાને વધુ સારવાર અર્થે સુરત સિવિલ હોસ્પિટલ ખાતે રીફર કરવામાં આવ્યા છે.સૂત્રો અનુસાર ખાનગી બસ મલેગાંવથી મુસાફરો ભરી સુરત જઈ રહી હોવાનું જાણવા મળ્યું છે.