તાપીમિત્ર ન્યુઝ,વ્યારા:હવામાન વિભાગ દ્વારા કરવામાં આવેલ મહા વાવાઝોડાની આગાહીના પગલે ઉભી થનાર કોઈ પણ પરિસ્થિતીને પહોંચી વળવા તાપી જિલ્લા વહીવટીતંત્ર તમામ તૈયારીઓ કરી એલર્ટ થઈ ગયુ છે. જિલ્લા કલેક્ટર આર.જે હાલાણીના સીધા માર્ગદર્શન અને દેખરેખ હેઠળ જિલ્લામાં વાવાઝોડાની કોઈ પણ સંભવિત અસર સામે અગમચેતીના પગલા લેવા સબંધિત વિભાગોને તાકીદ કરવામાં આવીછે. હવામાન ખાતાની આગાહી મુજબ આગામી તા.૬-૧૧-૧૯ના સવારથી તા.૭/૮-૧૧-૧૯ દરમિયાન તાપી જિલ્લામા પણ મહત્તમ અસર થવાની સંભાવનાને પગલે ઉપસ્થિત થનાર પરિસ્થિતીને લક્ષ્યમાં રાખી રાહત બચાવ કામગીરીની અગોતરા તમામ પગલા લેવા, તમામ અધિકારી/કર્મચારીઓને હેડકવાટરમાં હાજર રહેવા તથા કંટ્રોલ રૂમ સાથે સતત સંપર્કમાં રહેવા અને કોઈ પણ મુશ્કેલ પરિસ્થિતીનું નિર્માણ થાય તેવા સમયે તાત્કાલિક પહોંચી વળવા માટે અગોતરૂ આયોજન કરવા કલેક્ટર આર.જે.હાલાણી દ્વારા તમામ વિભાગોને સુચના આપવામાં આવી છે. highlight-હવામાન ખાતાની આગાહી મુજબ આગામી તા.૬-૧૧-૧૯ ના સવારથી તા.૭/૮-૧૧-૧૯ દરમિયાન તાપી જિલ્લામા પણ મહત્તમ અસર થવાની સંભાવના.. highlight-જિલ્લા કલેક્ટરની અધિકારી/કર્મચારીઓને  હેડક્વાટર ન છોડવાની તકીદ