તાપીમિત્ર ન્યુઝ,સોનગઢ : સોનગઢના માળગામે પુત્રના હાથે પિતાની કરપીણ હત્યા થઇ હોવાનો બનાવ પોલીસ ચોપડે રજીસ્ટર થયો છે. બનાવને લઇ પંથકમાં ચકચાર મચી જવા પામી છે. ઘટનાની જાણ પોલીસને થતા સ્થળ ઉપર પહોંચી તપાસ શરૂ કરી હતી. આધારભૂત સુત્રો પાસેથી મળતી માહિતી અનુસાર તા.૩૧ ઓકટોબર નારોજ સોનગઢ તાલુકાના અતિ છેવાડે આવેલ માળ ગામે છનિયાભાઇ ભેનિયાભાઇ ગામીત (ઉ.વ.આ.૭૫) રહે.માળ ગામ સુથાર ફળિયું તા.સોનગઢ જિ. તાપી નાઓ રમણભાઇ છીડીયાભાઇ ગામીતના ઘરે કામ અર્થે ગયેલ તે દરમિયાન પુત્ર અજનિયાભાઇ છનિયાભાઇ ગામીતનો પણ ત્યાં આવેલ તે વખતે છનિયાભાઇ ગામીતે પુત્રને “ તું કયારે મરી જશે અને તારા ઘરવાળી જગ્યા ખાલી કરી દે ” જણાવેલ હોય,આરોપી પુત્ર લાંબા સમયથી પગની બીમારીથી પીડાતો હોઇ અને પિતા છનિયાભાઇ ગામીત ભગત હોઇ “ તે જ મને કંઇક કરેલ છે એટલે મારો પગ સારો નથી. અને તું ડાકણ છે ” તેવો વહેમ રાખી એકદમ ઉશ્કેરાઇ જઇ છનિયાભાઇ ગામીત ને નાકના ભાગે તેમજ છાતીના ભાગે લાકડાનું પાટીયાના સપાટા મારતા શરીરના ભાગે ગંભીર ઈજાઓ પહોચવાના કારણે છનિયાભાઇ ગામીતનું મોત નીપજ્યું હતું. બનાવ અંગે વિનિયાભાઇ છનિયાભાઇ ગામીત રહે, માળ ગામ સુથાર ફળિયું તા.સોનગઢ જિ.તાપી નાઓની ફરિયાદના આધારે સોનગઢ પોલીસ મથકે પુત્ર છનિયાભાઇ ભેનિયાભાઇ ગામીત વિરુધ્ધ ઇ.પી.કો. કલમ ૩૦૨ મુજબ ગુનો દાખલ કરી આગળની વધુ તપાસ પીઆઈ સી.કે.ચૌધરી કરી રહ્યા છે.