તાપીમિત્ર ન્યુઝ,સુરત:મહિધરપુરા બુરહાની પેલેસમાં વોચમેનના રૂમમાં રહેતા અને કેટરર્સમાં નોકરી કરતા આધેડે આ જ વિસ્તારમાં રહેતી એક ૮ વર્ષની બાળાને ચોકલેટ આપવાના બહાને પોતાના રૂમમાં બોલાવી હતી. ત્યારબાદ શારિરીક અડપલાં કરતા બાળાએ બુમાબુમ કરી મુકતા લોકો દોડી આવ્યા હતા. લોકોએ હવસખોરને પકડી પાડી પોલીસને હવાલે કર્યો છે. મહિધરપુરા બુરહાની પેલેસમાં વોચમેનના રૂમમાં રહેતા ૫૫ વર્ષીય હાસિમ નામનો આધેડ કેટરર્સમાં કામ કરી પોતાનું ગુજરાન ચલાવે છે. આ જ વિસ્તારમાં રહેતા એક શ્રમજીવી પરિવારની ૮ વર્ષની બાળા પર હાસિમે નિયત બગાડી હતી. તા.૨૦મી ઓકટોબરના રોજ સવારના સમયે હાસિમે બાળાને ચોકલેટ આપવાની લાલચ આપી પોતાના રૂમમાં લઇ ગયો હતો. ત્યારબાદ મોબાઇલમાં કાર્ટુન બતાવી તેની સાથે અડપલાં કર્યા હતા. પરંતુ બાળાએ બુમાબુમ કરતા આજુબાજુના લોકો દોડી આવ્યા હતા. આધેડને પકડી મહિધરપુરા પોલીસને બોલાવી તેનો કબજા સોપ્યો હતો. પોલીસે ગુનો નોધી તપાસ હાથ ધરી છે.