તાપીમિત્ર ન્યુઝ-સોનગઢ:સોનગઢ નગરમાં ચાલતા વરલી-મટકા જુગારના અડ્ડા પર ઓપરેશન ગૃપ સુરત વિભાગની પોલીસ દ્વારા દરોડા પાડવામાં આવ્યા હતા.જેમાં મોટર સાયકલ, મોબાઈલ ફોન તથા જુગારના સાધનો સહિત એક લાખથી વધુના મુદ્દામાલ સાથે ત્રણ જણાને ઝડપી પાડવામાં આવ્યો હતો. જ્યારે મુખ્યસૂત્રધાર ભાવેશ જગદીશભાઇ શાહ ને પોલીસ ચોપડે ભાગેડુ જાહેર કરવામાં આવ્યો છે. મળતી માહિતી અનુસાર સોનગઢના જુનાગામ વિસ્તારમાં તા.૧૨મી ઓક્ટોબર નારોજ સાંજના સમયે અનિલ પારસ શાહ ના પાનના ગલ્લા પાસે જાહેરમાં રમાતા વરલી મટકાના અડ્ડા પર સુરત ઓપરેશન ગૃપના માણસોએ બાતમીના આધારે દરોડા પડ્યા હતા. જેમાં ત્રણ જણાને જુગારના સાધનો સાથે ઝડપી પાડી પૂછપરછ હાથ ધરવામાં આવતા ભાવેશ જગદીશભાઈ શાહ રહે,હાથી ફળીયું-સોનગઢ નાઓને કટિંગ આપતા હોવાનું પોલીસ તપાસમાં બહાર આવ્યું હતું.હાલ ભાવેશ શાહ પોલીસ પકડથી દૂર હોવાને કારણે વોન્ટેડ જાહેર કરવામાં આવ્યો છે, જુગારના અડ્ડા પરથી ત્રણ અલગ અલગ કાગળોમાં વરલી મટકા જુગારના આંકડાઓ લખેલ કાગળો તથા ત્રણ બોલપેન તેમજ રોકડા રૂપિયા ૨૮,૦૦૦/- તથા મોબાઈલ ફોન નંગ-૪ કી.રૂ.૧૫,૫૦૦/-,મોટર સાયકલ નંગ-૨ કિં.રૂ.૬૦,૦૦૦/- મળી કુલ્લે રૂપિયા ૧૦,૩૫૦૦/- નો મુદ્દામાલ સાથે ઝડપાયેલા ત્રણેય આરોપીઓ સામે કાયદેસરની કાર્યવાહી હાથ ધરી હતી.પોલીસ તપાસમાં વરલી મટકાનો અડ્ડો ભાવેશ શાહ ચલાવતો હોવાનું જાણવા મળતા ભાવેશ શાહને વોન્ટેડ જાહેર કરવામાં આવ્યો હતો. High light-વરલી મટકા અડ્ડા પરથી ઝડપાયેલા આરોપીઓ.. (૧)અનિલ પારસનાથ શાહ રહે,જુનાગામ,સોનગઢ (૨)રાજુ રામજી કોંકણી રહે,જમાદાર ફળીયું,સોનગઢ (૩)હસમુખ પાટલુ ગારગે રહે,સોનગઢ