તાપીમિત્ર ન્યુઝ,સુરતઃનરોલી ગામે કેનબોર્ડ કંપનીના કામદારની ઘાતકી હત્યાથી જાણ પોલીસને થતા ઘટના સ્થળ પર દોડી આવી હતી.બનાવને પગલે સમગ્ર પંથકમાં ચકચાર મચી જવા પામી છે.ફેક્ટરીના કામદાર આવાસમાં કામદારની તિક્ષ્ણ હથિયારના ઘા ઝીંકીને હત્યા કરી દેવામાં આવતાં પોલીસ અને એફએસએલની ટીમે ઘટના સ્થળે પહોંચી આગળની વધુ તપાસ હાથ ધરી છે. મળતી માહિતી અનુસાર નરોલી ગામે આવેલી કેનબોર્ડ કંપનીના કામદારને કામદાર આવાસમાં જ તિક્ષ્ણ હથિયારના ઘા ઝીંકીને ઘાતકી રીતે હત્યા કરી દેવામાં આવી હતી.મૃતક કામદારના ગળા અને માથાના ભાગે ઈજાના નીશાન મળી આવ્યાં હતાં.ઘટનાની જાણ થતાં કોસંબા પોલીસનો કાફલો ઘટના સ્થળે પહોંચી ગયો હતો.સાથે જ એફએસએલની ટીમે પણ તપાસ શરૂ કરી છે.હત્યારાઓને શોધવા માટે પોલીસે ટીમ બનાવી આગળની દિશામાં વધુ તપાસ શરૂ કરી છે.