તાપીમિત્ર ન્યુઝ,વ્યારા:વ્યારાનાં ટીચકપુરા ગામે સડક ફળિયામાં રહેતા મોર્યાભાઈ ઉકડીયાભાઈ ગામીત નાઓ તા.૧૭મી જૂનના રોજ પોતાની સ્પ્લેન્ડર મોટરસાયકલ નંબર જીજે-૨૬-બી-૫૨૯૦ લઈ તેમના મિત્ર સાથે ટીચકપૂરા ગામે ઇંગ્લિશ મીડિયમ સ્કૂલની સામે વ્યારાથી બાજીપુરા તરફ જવાના રસ્તા ઉપરથી પસાર થઈ રહ્યા હતા તે દરમ્યાન પૂરઝડેપ આવી રહેલ એક અજાણી ટ્રકના ચાલકે મોર્યાભાઈ ગામીત ની મોટરસાયકલને અડફેટે લીધી હતી.સર્જાયેલા અકસ્માતમાં મોર્યાભાઈને માથાના તેમજ શરીરના ભાગે ગંભીર ઇજા પહોંચતા તેમનું ઘટના સ્થળ પરજ મોત નીપજયું હતું.જ્યારે મોટરસાયકલ પાછળ સવાર યુવાનને ગંભીર ઇજા પહોંચતા તેને સારવાર માટે હોસ્પિટલ ખસેડવામાં આવ્યો હતો.અકસ્માત સર્જી અજાણ્યો ટ્રક ચાલક પોતાનું વાહન લઈ ભાગી છુટ્યો હતો.બનાવ અંગે વ્યારા પોલીસ મથકે ગુનો નોંધી આગળની તપાસ હાથ ધરી છે.