તાપીમિત્ર ન્યુઝ,વ્યારા:રાઇટ ટુ એયુકેશન હેઠળ પ્રવેશનો બીજો રાઉન્ડ ૧૮મી જૂનના રોજ જાહેર કરવામાં આવશે.આરટીઇ એકટ હેઠળ પ્રથમ રાઉન્ડ પૂર્ણ થયો છે.જેમાં જે વિધાર્થીઓને પ્રવેશ મળ્યો નથી તેવા વિધાર્થીઓને ખાલી જગ્યા ધરાવતી બીન અનુદાનીત ખાનગી શાળાની પુન:પસંદગી કરવા માટે એક તક આપવામાં આવી છે.આ વિધાર્થીઓને શાળાની પુન:પસંદગી માટે એસએમએસથી જાણ કરવામાં આવશે.પ્રથમ રાઉન્ડ સિવાયના જે વિધાર્થીઓએ આરટીઆઇ હેઠળ કરેલ અરજીમાં પસંદ કરાયેલ શાળાઓમાં ફેરફાર કરવા માગતા હોય અથવા ખાલી જગ્યા ધરાવતી શાળાઓની પુન:પસંદગી કરવા માગતા હોય તેવા વિધાર્થીઓએ તા.૧૫મી જુન શનિવાર સુધી આરટીઇના વેબ પોર્ટલ પર જઇ શાળાઓની પુન:પસંદગી કરવાની રહેશે.તાપી જીલ્લા પ્રાથમિક શિક્ષણ અધિકારીના જણાવ્યા અનુસાર આરટીઇ પ્રવેશનો બીજો રાઉન્ડ તા.૧૮–૬ને મંગળવારે જાહેર કરાશે.