તાપીમિત્ર ન્યુઝ,સોનગઢ:એસટી ડેપોની સામે આવેલ સૂર્યા વે બ્રિજ કાંટાની પાસે ગેરેજના કમ્પાઉન્ડ માંથી ભારતીય બનાવટના દેશી દારૂ ના જથ્થા સાથે આર્ટિગા કાર ઝડપી પાડવામાં આવી છે.સોનગઢ પોલીસને મળેલ બાતમીના આધારે દારૂની હેરાફેરી કરી રહેલી કારનો પીછો કરી રહેલી પોલીસને ચકમો આપી દારૂ ભરેલી કાર બિનવારસી હાલતમાં મૂકી બુટલેગરો ફરાર થઈ ગયા હતા.તા.૭મી જૂન ના રોજ રાત્રે સોનગઢના એસટી ડેપો સામે આવેલ સૂર્યા વે બ્રિજ કાંટા ની પાસે ગેરેજના કમ્પાઉન્ડમાં મારુતિ આર્ટિગા કાર નંબર જીજે-૨૧-સીએ-૩૫૨૧ બિનવારસી હાલતમાં મૂકી બુટલેગરો રફુચક્કર થઈ ગયા હતા,કારમાં તપાસ હાથ ધરતા કાર માંથી દેશી દારૂ ટેંગો પંચની બાટલીઓ નંગ-૭૫ જેની કિ.રૂ.૩,૭૫૦/- અને વિવો પ્રો મોબાઈલ ફોનની કિ.રૂ.૫,૦૦૦/- તથા એક સેમસંગ મોબાઇલ કુ.રૂ.૫૦૦/-નો મળી આવ્યો હતો.આ બનાવમાં બુટલેગરો નાશી જવામાં સફળ રહ્યા હતા.સોનગઢ પોલીસના જવાનોએ આર્ટિગા કારની કી.રૂ.૭,૦૦,૦૦૦/- મળી કુલ્લે રૂપિયા ૭,૦૯,૨૫૦/-નો મુદ્દામાલ જપ્ત કરી આગળની વધુ તપાસ હાથ ધરી છે.