તાપીમિત્ર ન્યુઝ,સોનગઢ:સોનગઢના સાદડવેલ ગામના બસ સ્ટેન્ડ નજીક તા.૨૯મી મે નારોજ એફઝેડ મોટર સાયકલ નંબર જીજે-૨૬-આર-૯૭૨૪ નો ચાલક પ્રવીણભાઈ રમેશભાઈ ગામીત રહે,મેઢા-પટેલ ફળિયું-સોનગઢ નાઓએ મોટર સાયકલના સ્ટેયરીંગ પરથી કાબુ ગુમાવતા સાદડવેલ ગામના બસ સ્ટેન્ડ નજીક વળાંકમાં ઝાડ સાથે મોટર સાયકલ અથડાઈ હતી.જેના કારણે પ્રવીણભાઈ ગામીતના શરીરે નાની-મોટી ગંભીર ઈજાઓ પહોંચતા તેમનું સ્થળ પર જ મોત નીપજ્યું હતું.બનાવ અંગે શૈલેષભાઈ લીબજીભાઈ ગામીત રહે,મેઢા-પટેલ ફળિયું-સોનગઢ નાઓની ફરિયાદના આધારે સોનગઢ પોલીસ મથકે બનાવ રજીસ્ટર કરી આગળની વધુ પીએસઆઈ એન.ઝેડ.ભોયા નાઓ કરી રહ્યા છે.