તાપીમિત્ર ન્યુઝ,સોનગઢ:સોનગઢના નાના બંધારપાડા ગામે પતિએ પત્નીના ચરિત્ર પર શંકા રાખીને પત્ની પર લાકડી વડે હુમલો કરતા ઉશ્કેરાયેલ પત્નીએ પતિના હાથ માંથી લાકડી ઝુંટવી પતિ પર હુમલો કરી મોતને ઘાટ ઉતાર્યો હોવાની ઘટના સોનગઢ પોલીસ ચોપડે રજીસ્ટર થઇ છે,બનાવ અંગે પોલીસે હત્યારી પત્ની ની તપાસ હાથ ધરી છે, મળતી માહિતી અનુસાર સોનગઢ તાલુકાના નાના બંધારપાડા ગામના ડુંગરી ફળીયામાં રહેતા જમસિંગભાઈ ઇદાલજીભાઈ ગામીત (ઉ.વ.૪૭) નાઓ તા.૨૫મી મે નારોજ રાત્રે ૯:૪૫ વાગ્યાની આસપાસ પત્ની રમીલાબેનને “તારો કોઈ બીજા પુરૂષ સાથે આડો સંબંધ છે” તેમ કહી ઝગડો કરી રમીલાબેનને બંને આંખના ઉપરના માથાના ભાગે લાકડાના સપાટા મારતા ઉશ્કેરાય ગયેલી પત્નીએ હાથ માંથી લાકડું ખેચી લઇ પતિ જમસિંગભાઈને ડાબી આંખના ઉપરના ભાગે માથામાં તથા ગળાના ભાગે,છાતીના ભાગે તેમજ જમણા ખબાના ભાગે લાકડાના સપાટા મારી મોતને ઘાટ ઉતાર્યો હતો.બનાવ અંગે જીગ્નેશભાઇ જમસિંગભાઈ ગામીત રહે,બંધારપાડા,ડુંગરી ફળિયું-સોનગઢ નાઓની ફરિયાદને આધારે સોનગઢ પોલીસ મથકે રમીલાબેન જમસિંગભાઈ ગામીત વિરુધ્ધ ગુનો રજીસ્ટર કરી હત્યારી પત્નીની તપાસ હાથ ધરી હતી.આગળની વધુ તપાસ સોનગઢ પોલીસ સ્ટેશનના પીઆઈ સી.કે.ચૌધરી નાઓ કરી રહ્યા છે.

high light-પતિએ પત્નીના ચરિત્ર પર શંકા રાખીને પત્ની પર લાકડી વડે હુમલો કર્યો હતો,ઉશ્કેરાયેલ પત્નીએ પતિના હાથ માંથી લાકડી ઝુંટવી પતિ પર હુમલો કરી મોતને ઘાટ ઉતાર્યો..