તાપીમિત્ર ન્યુઝ,સોનગઢ:રાજુભાઇ રમણભાઈ ચૌધરી રહે,સઠવાવ,બેડી ફળીયું-માંડવી નાઓ પોતાનો આઇસર ટેમ્પો નંબર જીજે-૦૬-ટી-૫૬૮૩ માં ઘાસના પૂળિયા ભરી સોનગઢના ઘોડા ગામે ખાલી કરવા નીકળ્યા હતા.અને ઘોડા ગામે ઘાસના પૂળિયા ખાલી કરી સાંજના સમયે પરત ફરી રહ્યા હતા.તે વેળાએ જૂનાઈ ગામની સીમ માંથી પાસસાર થતી વખતે ટેમ્પાના ચાલકે ટેમ્પો પૂરઝડપે હંકારતા ટેમ્પો રસ્તાની બાજુમાં આવેલ લાઇટના થાંભલા સાથે ભટકાયા બાદ પલટી મારી ગયો હતો.સર્જાયેલા અકસ્માતમાં ટેમ્પામાં બેસેલ વાલજીભાઇ વિટ્લાભાઈ ચૌધરી રહે,સઠવાવ-માંડવી તેમજ અનિલભાઈ કુતરાભાઈ ચૌધરી રહે,સઠવાવ-માંડવી નાઓને ગંભીર ઇજા પહોંચતા તેમનું મોત નીપજયું હતું.જ્યારે શૈલેષભાઈ દિનેશભાઇ ચૌધરી અને ચંપકભાઈ કુતરાભાઈ ચૌધરી નાઓને ઇજા પહોંચતા સારવાર માટે હોસ્પીટલમાં ખસેડવામાં આવ્યા હતા.બનાવ અંગે પોલીસે ગુનો રજીસ્ટર કરી આગળની વધુ તપાસ હાથ ધરી હતી.