તાપીમિત્ર ન્યુઝ,સોનગઢ:સોનગઢ ના દોણ ગામે રહેતા સમુએલભાઈ શાંતિલાલભાઈ ગામિત નાઓ તા- ૧૪મી મે ના રોજ પોતાની મોટરસાયકલ નંબર જીજે-૨૬-આર-૪૦૪૦ લઈ કામ અર્થે નીકળ્યા હતા.અને તેઓ ચીમકુવા ગામની સીમમાં સડક ફળિયાથી સોનગઢ ઓટા તરફ જતાં રોડ ઉપરથી પસાર થઈ રહ્યા હતા. તે દરમિયાન એક ટ્રેક્ટર નંબર જીજે-૩૦-એ-૧૪૬૦ ના ચાલકે મોટરસાયકલને અડફેટે લેતા સમુએલભાઈને શરીરના ભાગે ગંભીર ઇજા પહોંચતા તેને સારવાર માટે સોનગઢ સરકારી દવાખાનામાં લઈ જવામાં આવ્યા હતા.જ્યાં ફરજ પરના તબીબે તેને મૃત જાહેર કર્યા હતા.બનાવ અંગે સોનગઢ પોલીસે ગુનો રજીસ્ટર કરી આગળની વધુ તપાસ હાથ ધરી હતી.