તાપીમિત્ર ન્યુઝ,વ્યારા:મોટાભાઈને ગામના પાટિયા પાસેથી લઈને પરત ઘરે જઈ રહેલા મોટર સાયકલ પર સવાર બે ભાઈઓને અકસ્માત નડ્યો હતો,બંને જણાને સારવાર અર્થે ખસેડવામાં આવ્યા હતા જ્યાં સારવાર દરમિયાન એક જણાનું મોત નીપજ્યું હોવાનો બનાવ પોલીસ ચોપડે નોંધાયો છે,સુત્રો પાસેથી મળતી માહિતી અનુસાર તા.૫મી મે નારોજ વ્યારા તાલુકાના માયપુર ગામના પાટિયા પાસેથી અતુલભાઇ ચૌધરી નાઓ પોતાના મોટા ભાઈ અમીતભાઇ ચૌધરીને મોટર સાયકલ નંબર જીજે-૧૯-પી-૯૯૩૭ પર બેસાડી માયપુર ગામેથી બોરખડી ગામે જતા હોય ત્યારે માયપુર ગામની પ્રાથમિક શાળા પાસે મોટર સાયકલ સ્લીપ થઇ જતા બંને ભાઈઓને ગંભીર ઈજા પહોચતા સારવાર અર્થે ખસેડવામાં આવ્યા હતા.જ્યાં સારવાર દરમિયાન અતુલભાઇ દેવસીંગભાઇ ચૌધરીનું મોત નીપજ્યું હતું,બનાવ અંગે અમીતભાઇ દેવસીંગભાઇ ચૌધરી રહે,બોરખડી ગામ પહાડી ફળીયુ તા.વ્યારા નાઓની ફરિયાદને આધારે વ્યારા પોલીસ મથકે બનાવ રજીસ્ટર કરવામાં આવ્યો છે,