તાપીમિત્ર ન્યુઝ,સોનગઢ:સોનગઢના દશેરા કોલોની વિસ્તારમાં તસ્કરોએ બંદ મકાનોને નિશાન બનાવ્યા છે,દશેરા કોલોનીમાં રહેતા રાકેશભાઈ ભારજીભાઈ વસાવા મૂળ રહે,કુઇલીવેલ-સોનગઢ અને કુકરમુંડા મામલતદાર કચેરીમાં ક્લાર્ક તરીકે ફરજ બજવતા હોય મોડીરાત્રે તેઓના બંદ મકાનના દરવાજાનો નકુચો તોડી અજાણ્યા ચોરટાઓ ઘરમાં પ્રવેશ કરી ઘરમાં પેટી પલંગમાં મુકેલ રોકડા રૂ.૧,૫૦,૦૦૦/- તથા બેડરૂમમાં મુકેલ કબાટનો લોક તોડી કબાટ માંથી સોનાની બુટ્ટી આશરે અડધો તોલો રૂ.૧૦,૦૦૦/- મળી કુલ્લે રૂપિયા ૧,૬૦,૦૦૦/- મત્તાની ચોરી કરી હતી ત્યારબાદ ભરતભાઈ માંગતાભાઈ વસાવાના ઘરનો નકુચો તોડી અંદર પ્રવેશ કરી ઘરના કબાટનો લોક તોડી કબાટ માંથી રૂપિયા ૩૫,૦૦૦/- મત્તાની ચોરી કરી તસ્કરો નાશી છૂટ્યા હતા,એકજ રાતમાં તસ્કરોએ બે મકાનને નિશાન બનાવતા રહીશોની ઊંઘ ઊડી ગઈ છે,બંને મકાન માંથી રૂપિયા ૧,૯૫,૦૦૦/- મત્તાની ચોરી થઈ છે,બનાવ અંગે રાકેશભાઈ વસાવાએ સોનગઢ પોલીસ મથકે ફરિયાદ કરી હતી જેના આધારે અજાણ્યા ચોરટાઓ વિરુદ્ધ પોલીસે ગુનો રજીસ્ટર કરી આગળની વધુ તપાસ હાથ ધરી હતી.