તાપીમિત્ર ન્યુઝ,વ્યારા:એસીબીએ વ્યારા ખાતે ટ્રાફિક શાખા ના પીએસઆઇ પરેશભાઈ રતુભાઈ ચૌધરી ને લાંચના કેસમાં રંગેહાથ ઝડપી પાડ્યા છે.ત્રણ ટ્રક નિઝરથી સુરત સુધી રેતી ભરીને જતી હોય,ત્રણેય ટ્રકો ગત તારીખ ૩૦મી એપ્રિલ નારોજ પકડાઈ હતી.એક ટ્રક ના ૩૦૦૦/- લેખે ત્રણ ટ્રકના ૯૦૦૦/- રૂપિયાની લાંચ માંગી હતી.જેના લાંચ પેટે માંગેલી રકમ સ્વીકારવા જતા પીએસઆઇ વ્યારાના મિશન નાકા પાસે આવેલ ઉગમ બિલ્ડીંગમાં આવેલ ખેતલાઆપા ટી-સ્ટોલની સામે પોતાની સ્વીફ્ટ કારમાં ૯૦૦૦/- રૂપિયાની લાંચ સ્વીકારતા રંગેહાથે એસીબીની ટ્રેપમાં ઝડપાઈ ગયા હતા.બનાવના પગલે પોલીસ બેડામાં ફફડાટ પ્રસરી જવા પામ્યો છે.સમગ્ર મામલે એસીબીએ કાયદેસરની કાર્યવાહી હાથ ધરી છે.