તાપીમિત્ર ન્યુઝ,વ્યારા:વ્યારાના વેગી ફળિયા વિસ્તાર માંથી જુગાર રમતા ચાર જુગારીયાઓને વ્યારા પોલીસના જવાનોએ ઝડપી પાડી રૂપિયા ૬૬,૭૭૦/-નો મુદ્દામાલ જપ્ત કરી કાયદેસરની કાર્યવાહી હાથ ધરી છે,સુત્રો પાસેથી મળતી માહિતી મુજબ જીલ્લા પોલીસ વડાની સુચના અને ડીવાયએસપીના માર્ગદર્શન હેઠળ આજરોજ વ્યારા પોલીસ સ્ટેશનના ઇન્ચાર્જ પીએસઆઈ પી.એમ.અમીન સ્ટાફના માણસો હેડકોન્સ્ટેબલ અજય સુદામભાઈ અને પોલીસ કોન્સ્ટેબલ જીગ્નેશભાઇ રાજુભાઈ,વિજયભાઈ બબાભાઈ જીતેસભાઈ મંછુભાઈ.અરૂણભાઈ રમેશભાઈ,નવરાજસિંહ જોરસિંહ અને શૈલેષભાઈ રમેશભાઈ નાઓ સાથે પ્રોહી અને જુગાર પ્રવૃત્તિ સાથે સંકળાયેલા ઈસમોની વોચમાં હતા તે દરમિયાન પોલીસ કોન્સ્ટેબલ જીગ્નેશભાઇ રાજુભાઈને મળેલ બાતમીના આધારે વ્યારાના વેગી ફળીયા માંથી પસાર થતી ગટર લાઈનના નાળાની બાજુમાં આમલીના ઝાડ પાસે ગ્રીન કાપડની આડાશ કરી ગંજીપાનાનો જુગાર રમતા ચાર જુગારીયાઓને રંગે હાથ ઝડપી પાડવામાં આવ્યા હતા.રેડ દરમિયાન રોકડ રૂપિયા ૨૭,૭૭૦/- તથા મોબાઈલ ફોન નંગ ૬ જેની કી.રૂ.૯,૦૦૦/- તેમજ મોટર સાયકલ નંગ ૧ જેની કી.રૂ.૩૦,૦૦૦/- મળી કુલ્લે રૂપિયા ૬૬,૭૭૦/-નો મુદ્દામાલ જપ્ત કરી કાયદેસરની કાર્યવાહી હાથ ધરવામાં આવી હતી.   high light-ઝડપાયેલા જુગારીયાઓ.....

(૧)દિપકભાઇ રમેશભાઈ મોરે રહે,વેગી ફળિયું-વ્યારા (૨)વિનર રાજેશ સોની રહે,વેગી ફળિયું-વ્યારા (૩)સંતોષ હીરાભાઈ ભોઈ રહે,દાદરી ફળિયું-વ્યારા (૪)વિનોદભાઈ મોહનભાઈ મોહિતે રહે,નવી વસાહત-વ્યારા