તાપીમિત્ર ન્યુઝ,સોનગઢ:સોનગઢના ધમોડી ગામની સીમમાં એક ટ્રકે મુસાફર ભરેલ રિક્ષાને ટક્કર મારતા રીક્ષા પલટી હતી જેના કારણે એક બાળકનું સ્થળ ઉપર જ મોત નીપજ્યું હતું જયારે 6 મુસાફરોને ગંભીર ઈજા પહોંચતા નજીકની હોસ્પીટલમાં સારવાર અર્થે ખસેડવામાં આવ્યા હતા.બનાવની જાણ પોલીસને થતા ઘટના સ્થળ પર પહોંચી તપાસ હાથ ધરી હતી. મળતી માહિતી મુજબ સોનગઢ તાલુકાના બંધારપાડા થી સરૈયા ગામ તરફ જતા રોડ ઉપર આવતું ધમોડી ગામની સીમમાં તા.19મી એપ્રીલ નારોજ ટ્રક ચાલક પ્રતાપભાઈ કાંતિલાલ ગામીત રહે,સીંગપુર-સોનગઢ નાઓ પોતાની કબજાની ટ્રક નંબર જીજે-26-ટી-4400 ને પુર ઝડપે અને ગફલત ભરી રીતે હંકારી લાવી છકડો રીક્ષા નંબર જીજે-26-ડબ્લ્યુ-0955 ને પાછળના ભાગે ટક્કર મારતા રીક્ષા પલટી ગઈ હતી,જેના કારણે રીક્ષામાં બેસેલા મુસાફરો પૈકી તૃપલ કમલેશભાઈ ગામીત (ઉ.વ.5)રહે,સાદણવણ,દેવળ ફળિયું-વ્યારા નું સ્થળ ઉપર જ મોત નીપજ્યું હતું,જયારે 6 મુસાફરોને શરીરે ગંભીર ઈજા પહોંચતા નજીકની હોસ્પીટલમાં સારવાર અર્થે ખસેડવામાં આવ્યા હતા,બનાવ અંગે સોનગઢ પોલીસ મથકે જયેશભાઈ સુમનભાઈ ગામીતરહે,મોંઘવણ,નિશાળ,ફળિયું-સોનગઢ નાઓની ફરિયાદને આધારે ટ્રક ચાલક પ્રતાપભાઈ કાંતિલાલ ગામીત રહે,સીંગપુર-સોનગઢ વિરુધ્ધ ગુનો દાખલ કરી આગળની વધુ તપાસ હાથ ધરવામાં આવી હતી. High light-ઈજાગ્રસ્તો..... (1)કીકલીબેન ચીમનભાઈ ગામીત (2)મીનાબેન ઉકાજીભાઈ ગામીત (3)ઉર્મિલાબેન સુમનભાઈ ગામીત (4)અક્ષય ઉકાજીભાઈ ગામીત ચારેય જણા રહે,મોંઘવણ-સોનગઢ (5)રીનાબેન કમલેશભાઈ ગામીત (6)તનય કમલેશભાઈ ગામીત બંને જણા રહે,સાદણવણ,વ્યારા