તાપીમિત્ર ન્યુઝ,સોનગઢ:હાથ બનાવટની સિંગલ બોર રાયફલ સાથે એક શખ્સને ગ્રામ્ય વિસ્તાર માંથી ઝડપી પાડવામાં આરઆરસેલ-સુરત ટીમને વધુ એક સફળતા મળી છે,જેને લઇ ગ્રામ્ય પંથકમાં ચકચાર મચી જવા પામી છે.આધારભૂત સુત્રો પાસેથી મળતી માહિતી અનુસાર સોનગઢ તાલુકાના બુધવાડા ગામમા સિંગલ બોર રાયફલ સાથે એક જગદીશ વસાવા ને ઝડપી પાડી પૂછપરછ હાથ ધરતા સસરા બાલાજી વસાવાએ રાયફલ પહોંચાડી હોવાનું તપાસમાં બાહર આવ્યું છે,સિંગલ બોર રાયફલ સાથે પકડાયેલા જગદીશ વસાવાના કબ્જા માંથી એક હાથ બનાવટની સિંગલ બોર રાયફલ,છરા બનાવવાના સાધનો,ફટાકડીની ટીકડી ભરેલ પેકિંગ નંગ 20,એક પુઠ્ઠાના બોક્સમાં નાના-મોટા છરાનો જથ્થો,રાયફલ સાફ કરવાનો સળીયો,છરા બનાવવાની હથોડી,એક શિશુનો ટુકડો,બે પ્લાસ્ટીકની સીસીમાં ભરેલ દારૂ ગોળનો પાવડર,સુથળી બોમ્બ વિગેરે સાધનો તેમજ આરોપી પાસેથી મળી આવેલ એક મોબાઈલ ફોન ત્ત્થા હીરો હોન્ડા સ્પેલેન્ડર મોટર સાયકલ નંબર જીજે-05-એએફ-8135 મળી કુલ્લે રૂપિયા 30,500/-ના મુદ્દામાલ સાથે જગદીશ જીવા વસાવા રહે,બુધવાડા-સોનગઢ ને ઝડપી પાડવામાં આવ્યો હતો જયારે રાયફલ પહોચાડનાર જગદીશનો સસરો બાલાજી સીમ્યા વસાવા ને વોન્ટેડ જાહેર કરવામાં આવ્યો હતો,બનાવ અંગે આરઆરસેલ વિભાગ-સુરતમાં નોકરી કરતા કોન્સ્ટેબલ વિરલ રમેશચંદ્ર નાઓની ફરિયાદના આધારે સોનગઢ પોલીસ મથકે ગુનો રજીસ્ટર કરવામાં આવ્યો હતો આગળની વધુ તપાસ સોનગઢ પોલીસ સ્ટેશનના પીએસઆઈ એમન.ઝેડ.ભોયા કરી રહ્યા છે.