તાપીમિત્ર ન્યુઝ,સોનગઢ:સોનગઢ નગરના જાહેર માર્ગ પર બેફામ દોડતી મોટર સાયકલના ચાલકે એક વૃધ્ધ મહિલાને ટક્કર મારતા મહિલાનું સારવાર દરમિયાન મોત નીપજ્યું હોવાનો બનાવ સોનગઢ પોલીસ મથકે નોંધાયો છે,મળતી માહિતી મુજબ તા.16મી એપ્રિલ નારોજ સોનગઢ નગરમાં મેઈન માર્ગને અડીને આવેલ પાલીકા બજાર શોપીંગ સેન્ટર સામે કેટીએમ ડીયુસીકે મોટર સાયકલ નંબર GJ-26-R-7460 નો ચાલક આનંદભાઇ હોડલ્યાભાઇ માવચી રહે,કારેઘાટ,તા.નવાપુર,જી.નંદુરબાર (મહારાષ્ટ્ર) નાએ પોતાના કબજાની મોટર સાયકલ પુરઝડપે અને ગફલતભરી રીતે હંકારી લાવી ભીખીબેન રાહનજીભાઇ ગામીત (ઉ.વ.70) નાઓને ટક્કર મારી હતી જેના કારણે વૃધ્ધ મહિલાને માથાના ભાગે ગંભીર ઇજા તેમજ ડાબા પગે ઇજા પંહોચતા સારવાર અર્થે ખસેડવામાં આવ્યા હતા જ્યાં તેમનું સારવાર દરમ્યાન મોત નીપજ્યું હતું,બનાવ અંગે જયંતીભાઇ રાહનજીભાઇ ગામીત રહે,દાદરી ફળીયુ,ચોરવાડ,તા.સોનગઢ,જી.તાપી. નાઓએ સોનગઢ પોલીસ મથકે ફરિયાદ કરી જેના આધારે કેટીએમ મોટર સાયકલ ચાલક વિરુધ્ધ ગુનો દાખલ કરી આગળની વધુ તપાસ હાથ ધરવામાં આવી હતી.