તાપીમિત્ર ન્યુઝ,વ્યારા:વ્યારા નગરના પારસીવાડ એરિયામાં સફેદ કલરની સ્વીફ્ટ કાર લઈને આવેલા અજાણ્યા ચોરટાઓએ એક બંધ મકાનને નિશાન બનાવ્યું હતું,બનાવ અંગે પોલીસને જાણ થતા તપાસ શરૂ કરી હોવાનું જાણવા મળ્યું છે.સુત્રો પાસેથી મળતી માહિતી અનુસાર વ્યારા નગરના પારસીવાડ વિસ્તારમાં આવેલ હીરાવીલામાં રહેતા માહરૂખ નવરોઝ દોરડી (ઉ.વ.60) નાઓનું મકાન છેલ્લા 10 દિવસથી બંધ હાલતમાં હોય,મોડીરાત્રે ચોરટાઓએ મકાનને નિશાન બનાવ્યું હતું,એક સફેદ કલરની સ્વીફ્ટ કારમાં આવેલા ત્રણ અજાણ્યા ઈસમો જેની ઉંમર આશરે 20-35 વર્ષ નાઓએ માહરૂખ દોરડી નાઓના બંધ મકાનના દરવાજાને મારેલ તાળું તોડી મકાનમાં પ્રવેશ કર્યો હતો,લાકડાના કબાટમાં મુકેલ એક જોડી સોનાની બુટ્ટી લટકણીયા વાળી ડીઝાઇન કિ.રૂ.5,000/-,સોનાનું પેન્ડલ (ઊંટની ડીઝાઇન વાળું)કી.રૂ.3,000/-,સોનાની સાદી ચેઈન કી.રૂ.10,000/-,ચાંદીના સિક્કા આશરે 10-11 કી.રૂ.5,000/- તેમજ રોકડા રૂપિયા 40,000/- મળી કુલ્લે રૂપિયા 63,000/- ની મત્તા ચોરી કરી નાશી છુટ્યા હતા,જોકે,રાત્રીના સમયે કરવામાં આવેલ ચોરીની ઘટના સીસીટીવી કેમેરામાં કેદ થઇ ગઈ હોવાનું જાણવા મળ્યું છે,બનાવ અંગે માહરૂખ નવરોઝ દોરડીએ વ્યારા પોલીસ મથકે ફરિયાદ કરી હતી જેમની ફરિયાદના આધારે અજાણ્યા ચોરટાઓ વિરૂધ્ધ ગુનો દાખલ કરી સીસીટીવી ફૂટેજના આધારે આગળની વધુ તપાસ હાથ ધરવામાં આવી હતી.(ફાઈલ તસ્વીર)