તાપીમિત્ર ન્યુઝ,વ્યારા:સીવણ ક્લાસમાં જાઉં છું તેમ કહીને ઘરેથી નીકળેલી યુવતી ગુમ થઈ હોવાનો બનાવ વ્યારા પોલીસ મથકે નોંધાયો છે,મળતી માહિતી મુજબ બલ્લુભાઇ ડાહ્યાભાઇ જાતે પટેલ (ઉ.વ.57) રહે,વ્યારા રામજી મંદિરની સામે વિરાહાઇટ એપાર્ટમેન્ટની સામે કાનપુરા તા.વ્યારા જી.તાપી નાઓની દિકરી મિરલબેન બલ્લુભાઇ પટેલ (ઉ.વ.27) નાઓ ગઇ તા.3જી એપ્રિલના રોજ સવારે 10:00 વાગ્યાના સમયે વ્યારા સુરભી ટાવર ખાતે સિવણ ક્લાસમાં જાઉ છુ તેમ કહીને ઘરેથી ગયેલી હતી અને આજ દિન સુધી અગમ્ય કારણસર પરત ઘરે આવેલ નથી અને તપાસ કરતા મળી આવેલ ન હોય અને ગુમ થનાર મીરલબેન ઘરેથી નિકળેલી હતી ત્યારે તેણીએ શરીરે પર્પલ કલરનીટુકી બાયની ટી શર્ટ તથા કાળા કલરનુ જીન્સનું પેન્ટ તથા પગમાં બ્લ્યુ કલરના સ્લીપર પહેરેલ છે અને મધ્યમ બાંધાની, રંગે ઘઉં વર્ણની,ઉચાંઇ આશરે- 5/5 ઇંચ ની છે અને ડાબા હાથ ઉપર સ્ટારનુ છુંદણુ છે.જે ગુમ થનાર અને ગુજરાતી તેમજ હિન્દી ભાષા જાણે છે.જેથી ગુમ થનાર-મિરલબેન પટેલ મળી આવે અથવા નજરે પડે તો વ્યારા પોલીસ સ્ટેશનના ટેલીફોન નંબર-02626220033 ઉપર જાણ કરવા વિનંતી કરવામાં આવી છે.