તાપીમિત્ર ન્યુઝ,વ્યારા:સુરત જીલ્લાના મહુવા પોલીસના ચોપડે દારૂના ગુનામાં છેલ્લા છ માસથી વોન્ટેડ આરોપીને વ્યારા પોલીસે બાતમીના આધારે ઝડપી પાડ્યો છે.મળતી માહિતી અનુસાર આજરોજ વ્યારા પોલીસને મળેલ બાતમીના આધારે સુરત જિલ્લાના મહુવા પોલીસ ચોપડે નોંધાયેલ દારૂના ગુનામાં વોન્ટેડ આરોપી વિપુલ નગીન ચૌધરી રહે,કહેર ગામ,સરદાર ફળિયું-વાલોડ જીલ્લો,તાપી નો વ્યારાના નવા બસ સ્ટેન્ડ પાસે આવવાનો હોય જેના આધારે વ્યારા પોલીસના સ્ટાફે વોચ ગોઠવી હતી.ત્યારે વિપુલ ચૌધરી નજરે પડતા તેને ઝડપી પાડી પૂછપરછ કરતા મહુવા પોલીસ ચોપડે દાખલ થયેલ થર્ડ ગુ.ર.નંબર 361/2018 પ્રોહી એક્ટ કલમ 65ઈ,81,98(2),99 મુજબના ગુનાની કબુલાત કરી હતી.જેથી વ્યારા પોલીસે તેની સીઆરપીસી કલમ 41(1)આઈ મુજબ અટક કરી મહુવા પોલીસને  સોંપવાની તજવીજ હાથ ધરી હતી.