તાપીમિત્ર ન્યુઝ,વ્યારા:વ્યારાના દાદરી ફળીયા ઇસ્લામપુરા મસ્જીદ પાસે રહેતો કમલેશભાઈ પ્રકાશભાઈ સૈદાણે (ઉ.વ.૩૪) નાઓ આજરોજ પોતાના ઘરેથી નીકળી ઉનાઈ નાકા તરફ જઇ રહ્યા હતા તે વખતે મિશન નાકા તરફથી આવતા એક અજાણ્યા ટ્રક ચાલકે પોતાના કબ્જાની ટ્રક પુર ઝડપે અને ગફલત ભરી રીતે હંકારી લાવી કમલેશભાઈને ટક્કર મારતા,રોડ ઉપર ફેંકાય ગયા હતા જેના કારણે તેમને માથાના ભાગે ગંભીર ઇજા પહોંચતા સ્થળ પરજ કમકમાટી ભર્યું મોત નીપજ્યું હતું,બનાવ સ્થળ પરથી ટ્રક ચાલક પોતાનું ટ્રક લઇ નાશી છૂટ્યો હતો.બનાવ અંગે રાકેશભાઈ પ્રકાશભાઈ સૈદાણે નાઓએ વ્યારા પોલીસ મથકે ફરિયાદ કરી હતી જેમની ફરિયાદના આધારે અજાણ્યા ટ્રક ચાલક વિરુદ્ધ ગુનો રજીસ્ટર કરવામાં આવ્યો હતો.