તાપીમિત્ર ન્યુઝ,વ્યારા:દારૂના ગુનામાં સંડોવાયેલ આરોપી શૈલેપભાઇ ઇશ્વરભાઇ ભારતી રહે,ડુમખલ,નિશાળફળીયું,તા.વાલોડ,જી.તાપી)ને ગત તા.3જી ફેબ્રુઆરી નારોજ વ્યારા જુના બસ સ્ટેન્ડ પાસેથી ઝડપી પાડી કાયદેસરની કાર્યવાહી હાથ ધરવામાં આવી હતી.તે દરમીયાન આરોપીને ફિંગર પ્રિન્ટ માટે એમઓબી ઓફિસમાં લઇ જવામાં આવતા આરોપી પોલીસની નજર ચુકવીને પોલીસ કબ્જા માંથી ફરાર થઈ ગયો હતો.જેના સામે વધુ એક ગુન્હો રજીસ્ટર કરી પોલીસને ચકમો આપી ફરાર થયેલ આરોપીને શોધી કાઢવા તાપી જિલ્લા પોલીસે શરૂ કરેલ સઘન કવાયત દરમિયાન ડુમખલ ગામે આવેલ એક શેરડીના ખેતરમાં સંતાયેલ આરોપીને ઝડપી પાડવામાં પોલીસને સફળતા મળી હતી.