તાપીમિત્ર ન્યુઝ,વડોદરા:વડોદરામાં આવેલા વારસિયા પોલીસ સ્ટેશન વિસ્તારમાં દારૂની મહેફિલ પર પોલીસે રંગમાં ભંગ પાડ્યો હતો.એક મકાનની છત પર ૧૨ પુરુષો અને ૮ મહિલા દારૂની મહેફિલ માણી રહ્યાં હતા.સુત્રો પાસેથી મળતી માહિતી અનુસાર,ઉત્તરાયણની સાંજે ચાલી રહેલી આ દારૂની મહેફિલમાં પોલીસે રંગમાં ભંગ પાડી શહેરના પૈસાદાર પરિવારના સભ્યોની અટકાયત કરી હતી.બાતમીના આધારે દારૂની મહેફિલ પર પાડવામાં આવેલી રેડમાં પોલીસે ૧.૯૯ લાખ રૂપિયા રોકડા,૧૬ મોબાઈલ,૨ કાર અને ૫ બાઈક જપ્ત કરી છે.જે કુલ મળીને ૧૪.૨૪ લાખ રૂપિયાનો મુદ્દામાલ જપ્ત કર્યો હતો.અટકાયત કરેલા તમામ લોકોનું મેડિકલ ચેકઅપ કરાવવા માટેની તજવીજ હાથ ધરવામાં આવી હતી.ત્યારબાદ કેટલાક લોકો પાસે પીવાનું લાયસન્સ છે અને કેટલાક લોકો ગેરકાનુની નશો કરી રહ્યાં છે તે પ્રમાણે ગુનો દાખલ કરવા માટે કાર્યવાહી હાથ ધરવામાં આવી હતી.(સાંકેતિક તસ્વીર)