નવસારીનાં ચીખલી તાલુકાનાં ખુંધ ગામનાં નિશાળ ફળિયાના ૨૭ વર્ષીય અન્વય પટેલે ખુંધ ચિલ્ડ્રન હોમની બાજુમાં આવેલ ચીકુ વાડીમાં ચીકુના ઝાડની ડાળી સાથે કોઈક અગમ્ય કારણોસર નાયલોનની દોરી વડે ગળે ફાંસો ખાઈ જીવન ટુકાવી લેતા પરિવારમાં ઘેરા શોકની લાગણી વ્યાપી હતી.

બનાવની વિગત એવી છે કે, મોહનભાઈ ઉકાભાઈ પટેલ (રહે.ખુંધ ગામ, નિશાળ ફળિયા, તા.ચીખલી)એ પોલીસ મથકમાં જણાવ્યા અનુસાર તેનો ૨૭ વર્ષીય પુત્ર અન્વયભાઈ મોહનભાઈ પટેલ તેમની ખુંધ ચિલ્ડ્રન હોમની બાજુમાં આવેલ ચીકુ વાડીમાં ચીકુના ઝાડ સાથે કોઈક અગમ્ય કારણોસર નાયલોનની દોરી વડે ગળે ફાંસો ખાઈ આત્મહત્યા કરી લેતા પરિવારમાં ઘેરા શોકની લાગણી વ્યાપી છે તેના મોત અંગે કોઈ શક કે વહેમ નથી પોલીસે તેના પિતાની જાહેરાતના આધારે અકસ્માત મોતનો ગુનો નોંધી ઘટનાની વધુ તપાસ હાથ ધરી હતી.