માંગરોળ તાલુકાનાં આંબાવાડી ગામે મસ્જિદ ફળિયામાં આઠ માસનું દીપડાનું બચ્ચું ઘૂસી આવી કુતરાનો શિકાર કર્યો હતો અને નદી કિનારે ઝાડીઓમાં ઘૂસી ગયું હતું. ફળિયાના લોકોની દીપડાના બચ્ચા પર નજર પડતા ગામના સરપંચને જાણ કરવામાં આવી હતી સરપંચ દ્વારા વાંકલ વન વિભાગનાં ફોરેસ્ટરને ટેલીફોનિક જાણ કરવામાં આવતા તેમને માર્ગદર્શન હેઠળ વન વિભાગની ટીમ ઘટના સ્થળે પહોંચી નદી કિનારા પાસે ઝાડીયોમાં ભરાઈ ગયેલા દીપડાના બચ્ચાનું મહામુસીબતે રેસ્ક્યુ કરી પાંજરે પૂર્યુ હતું. વન વિભાગ દ્વારા દીપડાનાં બચ્ચાને રેસ્ક્યુ સેન્ટર ઝંખવાવ ખાતે લઈ જવામાં આવ્યું હતું.(ફાઈલ ફોટો)