વાપીના પારડી ગામનાં હનુમાન ડુંગરી વિસ્તારમાં દીપકભાઈની વાડીની પાસે ઉમરાના ઝાડ નીચે એક અજાણ્યો પુરુષ મૃત હાલતમાં મળી આવ્યો હતો. શરૂઆતમાં તેની ઓળખ અજ્ઞાત હતી. જોકે પોલીસ અધિકારી પી.એસ.આઈ.ના નેતૃત્વ હેઠળ તપાસ કરવામાં આવી હતી. તપાસ દરમિયાન મૃતકની ઓળખ સીતારામભાઈ બાબુભાઈ બોબા (રહે.ગામ મેણઢા, દેહવારપાડા, તા.કપરાડા, જિ.વલસાડ) તરીકે થઈ હતી. જેની ઉંમર આશરે ૪૫થી ૫૦ વર્ષની ઉંમરની હોવાનું જણાયું હતુ. તે છૂટક મજૂર તરીકે કામ કરતા હતા. અને પારડી છૂટક મજૂરી માટે આવ જાવ કરતા હતા. પોલીસની પ્રાથમિક તપાસ મુજબ સીતારામે આત્મહત્યા કર્યાનું તારણ છે. તેણે કોઈક કારણસર પોતાના જ કપડાથી ગળે ફાંસો ખાધો હોવાનું સામે આવ્યું હતું.