નર્મદા મૈયા બ્રિજ પરથી ગતરોજ એક યુવકે નદીમાં ભૂસકો માર્યો હતો જોકે, સદનસીબે નદીમાં રહેલ માછીમારોએ તેને બચાવી પોલીસને જાણ કરી હતી. સુત્રો પાસેથી મળતી માહિતી અનુસાર, યુવકને અંકલેશ્વર પોલીસે સારવાર અર્થે હોસ્પિટલમાં ખસેડયો હતો. જોકે યુવક કોણ અને કયાનો છે. તેમજ ક્યાં કારણોસર નદીમાં ઝપલાવી જીવન ટૂંકાવવા માંગતો હતો તેની વિગતો બહાર આવી ન હતી. યુવકે બ્રિજ પરથી ભૂસકો મારતા જ વાહન ચાલકોએ દોડી આવી બુમાં બૂમ મચાવી દીધી હતી. નદીમાં નાવડી લઈને ફરતા માછીમારોએ યુવકની નજીક પહોંચી તેને બચાવી લીધો હતો. ઘટનાની પોલીસને જાણ કરવામાં આવતા તેને હોસ્પિટલમાં ખસેડવામાં આવ્યો હતો. જયારે ગત રવિવારે પણ એક મહિલાએ પણ આપઘાત કરવાના ઇરાદે બપોરના સુમારે નર્મદા મૈયા બ્રિજ પરથી નદીમાં ઝપલાવ્યું હતું. જોકે તે વખતે અને આજે બીજી વખત માછીમારોએ મળી બંનેનાં જીવન બચાવી લીધી હતી.