પાનોલી જીઆઇડીસીમાં ધ્રુવ કેમિકલ્સમાં કામદારે ગળે ફાંસો લગાવી આપઘાત કર્યો હતો. જયારે સવારે પત્ની જોડે ઝઘડો થતા પત્ની પિયર એ જવા નીકળી અને પતિ એ કંપનીના રૂમમાં એકલા રહેલા ગોધરાના શ્રમિકે અંતિમ પગલું ભર્યું હતું. બનાવની વિગત એવી છે કે, પાનોલી જીઆઇડીસીમાં આવેલ ધ્રુવ કેમિકલ્સ કંપની મૂળ ગોધરાના બેડીયા મંદિર ફળિયા ગામના રહીશ 24 વર્ષીય મનહરકુમાર તખતસિંહ ચૌહાણનો સવારે પોતાની પત્ની જોડે કોઈ કારણોસર ઝઘડો થયો હતો જે ઝઘડા બાદ પત્ની પિયરમાં જવા નીકળી ગઈ હતી.

ત્યારબાદ મનહરભાઈ રૂમમાં એકલા પડતા રૂમની છતમાં લોખંડની એંગલમાં દોરી વડે ફંડો લગાવી આપઘાત કરી લીધો હતો. જયારે સાથી કામદાર અને સંબંધી મહેશકુમાર દલપતસિંહ ચૌહાણ બોલવા પહોંચતા આપઘાત કરી લીધો હોવાનું સામે આવ્યું હતું. બનાવ અંગે તાલુકા પોલીસ મથકે જાણ કરતા પાનોલી આઉટ પોસ્ટના અધિકારીઓ સ્થળ પર દોડી આવ્યા હતા અને મૃતદેહને નીચે ઉતારી પી.એમ અર્થે અંકલેશ્વર ખાતે ખસેડાયો હતો અને ઘટના અંગે પ્રાથમિક અકસ્માત મોતનો ગુનો નોંધી વધુ તપાસ આરંભી હતી.