ભરૂચનાં જંબુસરથી કાવી રોડ ઉપર આવેલ દહેગામ ગામની સીમમાં ખેતરમાં બનાવેલ મકાનની છત ઉપર જુગાર રમતા ચાર જુગારીયાઓને રૂપિયા 1.15 લાખનાં મુદ્દામાલ સાથે ઝડપી પાડ્યા હતા, જયારે એક ફરાર થઇ ગયો હતો. સુત્રો પાસેથી મળતી માહિતી મુજબ, ભરૂચ એલ.સી.બી.નો સ્ટાફ જંબુસર વિસ્તારમાં પેટ્રોલીંગમાં હતો. તે દરમિયાન બાતમી મળી હતી કે, જંબુસરથી કાવી જતા રોડ ઉપર આવેલ દહેગામની સીમમાં ખેતરમાં બનાવેલ પાકા મકાનની છત ઉપર જુગારધામ ચાલી રહ્યો છે. જે બાતમીના આધારે પોલીસે દરોડા પાડ્યા હતાઅને પોલીસે સ્થળ પરથી રોકડા રૂપિયા 18 હજાર અને ચાર બાઈક મળી કુલ રૂપિયા 1.15 લાખનો મુદ્દામાલ કબજે કર્યો હતો અને જુગાર રમતા જુગારી સુલેમાન ઇસ્માઇલ પટેલ, સઇદ ફતેસંગ મલેક અને સલીમ ઉદેસંગ રાજ, વાઘજીભાઇ ધુળાભાઇ ઠાકોરને ઝડપી પાડ્યા હતા જયારે અન્ય એક જુગારી ફરાર થઇ ગયો હતો.