ભરૂચ એસ.ઓ.જી., પી.આઈ. પોતાની ટીમ કામગીરીમાં હતી. તે દરમિયાન બાતમીના આધારે કાનુગાવાડ બાવરી, કતોપોર બજારમાં રહેતા આરોપી મો.સલીમ ઉર્ફે જીન્ડો ગુલામનબી શેખ તથા તેની પત્ની સબીનાબાનુ ગેરકાયદેસર નશાકારક માદક પદાર્થ મેફેડ્રોન (એમ.ડી)નો જથ્થો કારમાં ભરીને વડોદરા તરફથી ભરૂચ તરફ આવી રહ્યા છે. જેના આધારે પોલીસે નેશનલ હાઇવે નંબર 48 પર વોચ ગોઠવી અસુરીયા પાટિયા નબીપુર નજીકથી કારને ઝડપી પાડી કારમાંથી અંગ કબજામાંથી માદક પદાર્થ મેફેડ્રોન (એમ.ડી) કુલ-14 ગ્રામ 71 મીલીગ્રામ કિ.રૂ.1.47લાખ, સોનાના દાગીના તથા લગડી મળી કુલ કિ.રૂ.4.64 લાખ રોકડા રૂપિયા 65 હજાર, 1 નંગ મોબાઈલ અને એક કાર મળીને કુલ રૂપિયા 12 લાખનો મુદ્દામાલ કબ્જે કરીને મોહમદ અતીક (રહે.ચોક બજાર, સુરત)નાને વોન્ટેડ જાહેર કરીને વધુ તપાસ હાથ ધરી છે.