વલસાડના દુલસાડ ગામે ત્રણ માસ પહેલાં લગ્નપ્રસંગમાં સરપંચ ફળિયાના યુવાન અને દેસાઈ ફળિયાના યુવાનના કુટુંબીઓ વચ્ચે તકરાર થઈ હતી. જે બાબતની અદાવત રાખી સરપંચ ફળિયાના યુવાને જે તે સમયે દરમિયાનગીરી કરનાર બે યુવાનોને લોખંડના સળિયા અને લાકડીના સપાટા મારી ઈજા પહોંચાડી હતી. મળતી માહિતી મુજબ, દુલસાડ ગામના દેસાઈ ફળિયામાં રહેતા અંકિત હીરાભાઈ પટેલ પારડી ખાતે આવેલી એક ખાનગી કંપનીમાં હેલ્પર તરીકે ફરજ બજાવે છે.

ગત ડિસમ્બર ૨૦૨૪ માસમાં મિતુલભાઈ રાજેશભાઈ પટેલના લગ્નપ્રસંગમાં ગામના સરપંચ ફળિયામાં રહેતા મીત્યાંગ અનિલભાઈ પટેલ અને મિતુલભાઈના મામા અને કાકા પક્ષના કુટુંબીજનો વચ્ચે તકરાર થઈ હતી. તે દરમિયાન અંકિત અને ફળિયામાં રહેતા મિતેશ પ્રકાશભાઈ પટેલે તકરાર કરી રહેલા બંને પક્ષો વચ્ચે દરમિયાનગીરી કરી હતી. જે બાબતની અદાવત રાખીને મીત્યાંગ શનિવારે લોખંડના સળિયા અને લાકડી લઈને અંકિતના ઘરે પહોંચ્યો હતો. ત્યારબાદ મીત્યાંગે આ સ્થળે હાજર મિતેશને માર મારવું શરૂ કરતા અંકિત મિતેશને બચાવવા દોડી ગયો હતો. જ્યાં મત્યાંગે બંનેને લોખંડના સળિયા અને લાકડી વડે માર મારી ઈજા પહોંચાડી હતી. આ દરમિયાન અંકિતના બનેવી અમિતભાઈ પણ આવી જતા મીત્યાંગે તેને પણ લાકડી વડે માર માર્યો હતો.