રાજકોટનાં મવડીમાં રહેતી યુવતીએ ઝેરી દવા પીને આપઘાત કરી લીધો હતો. દીકરીના મોત બાદ પરિવારજનોએ આક્ષેપ કર્યો હતો કે, 'કેતન સાગઠીયા નામના ભૂવાના ત્રાસથી મારી દીકરીએ ઝેરી દવા પીને આપઘાત કર્યો હતો.' સમગ્ર વિવાદ વચ્ચે મૃતક યુવતીના પ્રેમી ભૂવાએ વૉટ્સએપના સ્ક્રિનશૉટ અને વીડિયો શેર કર્યા હતા. જેમાં યુવતીએ ઘરથી કંટાળીની દવા પીધી હોવાનો પ્રેમી ભૂવાનો દાવો કર્યો હોવાનું જણાવ્યું હતું. રાજકોટના મવડીમાં કોમલ નામની યુવતીએ ઝેરી દવા પીને આપઘાત કર્યો હતો. આ મામલે પરિવારે કેતન સાગઠીયા નામના પ્રેમી ભૂવાએ જ કોમલને ઝેરી દવા પીવડાવી મોતને ઘાટ ઉતારી હોવાનો સનસનીખેજ આક્ષેપ કર્યો હતો.

મૃતક યુવતીના પિતાએ કરેલા આક્ષેપને પગલે તાલુકા પોલીસે આગળની કાર્યવાહી હાથ ધરી છે, ત્યારે  કેતન સાગઠીયાએ વૉટ્સએપના સ્ક્રિનશૉટ જાહેર કર્યો છે. કેતનનું કહેવું છે કે, 'આપઘાત પહેલા કોમલ તેને મેસેજ કર્યો હતો. મેસેજમાં કોમલના પિતા દારૂ પીને તેની મમ્મીને મારે છે અને કોમલ કંટાળી ગઈ હોવાનું કહીને આપઘાત અંગે સેમેજમાં જણાવ્યું હતું.' જ્યારે ભૂવા સાગઠીયાએ એક વીડિયો પર શેર કર્યો છે. જેમાં તે જણાવે છે કે, 'કોમલનો પરિવાર વર્ષ 2023માં મારા સંપર્કમાં આવ્યો હતો. કોમલના ફોઈના છોકરાએ અમારી મુલાકાત કરાવી હતી. ત્યારબાદ અમારા ઘરે માતાજીના માંડવામાં કોલમનો પરિવાર આવ્યો હતો.

કોમલ ઘરે બધાને હોસ્પિટલમાં નોકરીએ જવાનું કહીને મારી પાસે આવતી હતી અને ઘરે પૈસા આપવા લોન લેતી હતી. જેના હપ્તા પણ હું ચૂકવું છું. હું નિર્દોષ છું, કોમલે તેના ઘરનાના ત્રાસથી દવા પીધી હતી.' રાજકોટમાં મવડી ગામે રહેતી કોમલે 13મી માર્ચે ઝેરી દવા પી લેતા હોસ્પિટલમાં સારવાર દરમિયાન તેનું મૃત્યુ નિપજ્યું હતું. સમગ્ર ઘટના મામલે તાલુકા પોલીસે ફરિયાદ નોંધી હતી. જ્યારે મૃતકના પિતાએ આક્ષેપ કર્યો હતો કે, 'કેતન સાગઠીયા નામના ભૂવાએ કોમલને પ્રેમજાળમાં ફસાવી દોઢ વર્ષ પહેલા ભગાડી ગયો હતો. અગાઉ 8 માસ પૂર્વે કેતને કોમલને ઝેરી દવા પીવડાવી હતી. કેતન સામે તેની પત્નીએ પણ ફરીયાદ નોંધાવી હતી. કોમલે સારવાર દરમિયાન હોસ્પિટલમાં દમ તોડી દેતા કેતન મૃતદેહને હોસ્પિટલના બીછાને છોડી નાસી છૂટયો હતો.