નિઝરના વેલ્દા ગામે એક ખેતરમાં ડ્રીપ ઇરીગેશન માટે ફીટ કરેલ ફિલ્ટર યુનીટ ચોરાયું હોવાની ફરિયાદ પોલીસ ચોપડે નોંધાઈ છે.

મળતી માહિતી મુજબ નિઝર તાલુકાના વેલ્દા ગામની સીમમાં આવેલ સર્વે નં-૭૫૩ વાળા ખુલ્લા ખેતરમાંથી ડ્રીપ ઇરીગેશન માટે ફીટ કરેલ ફિલ્ટર યુનીટ જેની આશરે કિંમત રૂપિયા ૧૦,૦૦૦/- ની કોઇ અજાણ્યો ચોર ઇસમ ખુલ્લા ખેતરમાં પ્રવેશ કરી ચોરી કરી લઇ ગયા હતા. બનાવ અંગે સુરેશભાઇ પુરૂષોત્તમભાઇ પટેલ રહે-વેલ્દા, જલારામ ફળીયુ, તા-નિઝર, જિ-તાપી નાઓની ફરિયાદના આધારે નિઝર પોલીસ દ્વારા તા.૨૨/૦૩/૨૦૨૩ નારોજ અજાણ્યા ચોર ઇસમ વીરુધ્ધ ગુનો નોંધી કાર્યવાહી હાથ ધરી હતી.