કડોદરા ગામે સુરત જતા હાઈવે પરથી એક અજાણ્યો યુવક પસાર થઈ રહ્યો હતો. તે સમય દરમિયાન ડમ્પરે અડફેટે લેતા યુવકનું ઘટના સ્થળ પર મોત નીપજ્યું હતું.

કડોદરા ગામ પાસે હાઈવે પર 25 વર્ષીય અજાણ્યો યુવક પસાર થઈ રહ્યો હતો તે દરમિયાન પાછળથી પુરઝડપે અને ગફલતભરી રીતે હંકારી લાવતો ડમ્પર નંબર જીજે/05/બીઝેડ/7812નાં ચાલકે અડફેટે લીધો હતો. આ અકસ્માતમાં યુવકને પેટના ભાગે ગંભીર ઈજાઓ થતા સ્થળ પર જ મોત નીપજ્યું હતું. જયારે ડમ્પર ચાલક અકસ્માત સર્જી પોતાનું વાહન ત્યાં જ મૂકી નાસી છૂટ્યો હતો.

આ બનાવ અંગે કડોદરા પોલીસને જાણ થતા પોલીસ ઘટના સ્થળ પર પહોંચી આગળની કાર્યવાહી હાથ ધરી હતી.