સુરત જિલ્લાના બારડોલી ખાતે ધુલિયા ચાર રસ્તા નજીક પૂરઝડપે હંકારી આવેલ એક મોટરસાઇકલ ચાલકે રાહદારીને અડફેટે લેતા અકસ્માત સર્જાયો હતો. બાઇક ચાલક અને વૃદ્ધને ઇજા પહોંચતા સારવાર માટે હોસ્પિટલમાં ખસેડવામાં આવ્યા હતા.

સુત્રો પાસેથી મળતી માહિતી અનુસાર, બારડોલીના ધુલિયા ચાર રસ્તા નજીકથી પૂરઝડપે પસાર થઈ રહેલ બાઈક ચાલકે સવારે એક વૃદ્ધ રાહદારીને અડફેટે લીધો હતો. આ સર્જાયેલા અકસ્માતમાં બાઈક સવાર યુવાન અને 60 વર્ષીય આધેડને ઈજાઓ પહોંચી હતી.

આ બંને ઇજાગ્રસ્તોને 108ની મદદથી સરદાર હોસ્પિટલમાં ખસેડવામાં આવ્યા હતા. જ્યાં રાહદારી આધેડની તબિયત લથડતા તેને વધુ સારવાર માટે સુરતની હોસ્પિટલ ખસેડવાની માટેની કામગીરી હાથ ધરવામાં આવી રહી હતી.