ભૂતકાળના બનાવોને ધ્યાને લઈ શહેરમાં શાંતિ અને સલામતી જળવાઈ રહે તે માટે શહેરના પોલીસ કમિશનર અજય તોમરે એક જાહેરનામું પ્રસિધ્ધ કર્યું છે.

 

 

 

 

આ જાહેરનામા અનુસાર, તમામ કારખાનેદારો, મકાન, બાંધકામ બિલ્ડર્સ, ટેક્ષટાઈલ ઉઘોગ, હીરા ઉઘોગ તથા અન્ય ઉદ્યોગો સાથે સંકળાયેલા તમામ પ્રાઈવેટ સેકટરના માલિકો/મેનેજમેન્ટ સ્ટાફ કે જેઓના યુનિટમાં કર્મચારીઓ, કારીગરો, મજુરો હાલમાં કામ ઉપર હોય તેવા અને હવે પછી કામ પર રાખવાના છે તેવા કાયમી, હંગામી, રોંજીદા કે કોન્ટ્રાકટના કર્મચારી/કારીગરો, મજુરોના નામ, સરનામા સાથેની સંપૂર્ણ વિગતો તૈયાર કરી સિટીઝન પોર્ટલ વેબસાઈટ www.gujhome.gujarat.gov.in ઉપર અથવા સિટીઝન ફર્સ્ટ એન્ડ્રોઈડ એપ્લિકેશન મારફતે ફરજિયાતપણે ઓનલાઈન નોંધણી કરાવવાની રહેશે.

 

 

 

 

આ જાહેરનામું તા.૦૭/૦૮/૨૦૨૧ સુધી અમલમાં રહેશે. ઉલ્લેખનીય છે કે, આ હુકમ સરકારી કચેરીઓ, અર્ધસરકારી કચેરીઓ, પબ્લીક સેકટર, શૈક્ષણિક સંસ્થાઓ, ચૂ઼ંટાયેલી સંસ્થાઓ ઉપર લાગુ પડશે નહીં. હુકમનો ભંગ કરનાર શિક્ષાને પાત્ર થશે.